Bashkia e Matit drejt falimentit, administrata ka dy muaj pa rroga

Administrata e Bashkisë Mat prej dy muajsh nuk merr rrogat dhe kjo situatë mendohet të vijojë deri në shkurt të vitit të ardhshëm.

Zyrtarë të kësaj njësie vendore bëjnë me dije se shkak për gjendjen e rënduar financiare është bërë mungesa e të ardhurave nga taksat dhe tarifat vendore. Mësohet se për 8-muron e këtij viti të ardhurat nga subjektet private janë realizuar në masën 40 %, ç’ka tregon se arka e Bashkisë Mat është bosh.

Ndërkohë specialistë të ekonomisë argumentojnë se ka dhe shkaqe të tjera që administrata ka mbetur pa rroga. Sipas tyre administrata lokale është shumë e frytë. Përpjekja për të punësuar sa më shumë persona, pa menduar se të ardhurat nuk do të realizoheshin, solli situatën kaotike.

Po financierë të Bashkisë Mat argumentojnë se drejtuesit kryesorë lobuan që pagat e tyre të ishin në nivele maksimale, por nuk menduan se buxheti nuk është i tillë, që ato të marrin rrogat normalisht për 12 muaj. /Panorama