Berat, pronari i shtëpisë mban peng shërbyesen

Një rast pengmarrje ka ndodhur në qytetin e Beratit ditën e djeshme, ku pronari i shtëpisë nuk ka lënë të largohet punëtoren.

Ngjarja konfirmohet nga burime të Syri.net, të cilat sqarojnë se 64-vjeçari N.Hato mbajti peng shërbyesen e tij 55-vjeçaren me iniciale Q.D.

Të njëjtat burime thonë gjithashtu se arsyeja e kësaj ngjarje është se pronari i shtëpisë pretendonte që 55-vjeçarja i kishte vjedhur patentën dhe një sasi të konsiderueshme parash.

Pasi u largua nga banesa, gruaja bëri denoncim në polici ndaj 64-vjeçarit, i cili akuzohet për heqje të paligjshme të lirisë dhe po hetohet në gjendje të lirë