Berisha: Një lamtumirë e dhimbshme për Teodor Laçon

Nga Sali Berisha.

Një lamtumirë e dhimbshme! Ndarja nga jeta e Teodor Laços është për letrat shqipe, kulturën, botën e mendimit dhe politikën shqiptare, një ditë dhimbjeje dhe zie. Me ndarjen e tij nga jeta letrat shqipe kanë humbur njerin prej shkrimtarëve më të shquar, kultura – një kalorës të saj;

bota e mendimit humbi intelektualin e shquar dhe trim që sëbashku me kolegë te tij do shndërronin Kinostudion në verën e vitit ’90 në djepin e mendimit liberal për kohën;

kultura kombëtare – një kalorës fisnik;

politika humbet ish-ministrin e aftë dhe kompetent, kryetarin e liberal-demokrateve shqiptarë, politikanin e saj të arsyes, luajal ndaj vlerave dhe parimeve që besonte.

Duke shprehur ngushëllimet e mia më të sinqerta familjarëve, miqve, të afërmëve, lexuesve, mbështetësve të tij, lutemi të gjejë paqen e amëshuar!

Lamtumirë Teodor! Qoftë i lehtë dheu i tokës mbi ty!