Blushi i jep një përgjigje Edi Ramës: Kur shkrimtarët merren me qentë, qentë merren me Librat

Deputeti Ben Blushi ashtu si bashkëpunëtorja e tij deputetja Mimoza Hafizi, ka reaguar sot pas deklaratës cinike që kryeministri Edi Rama, bëri gjatë intervistës me gazetaren Eni Vasili për largimin e tij nga PS-ja dhe akuzat e forta të tij për kryeministrin dhe të ashtuquajturën Rilindje.

“Paska folur Edi Rama për romanet e mi!

Kur shkrimtaret merren me qentë, qentë merren me Librat!”, shkruan Blushi në një postim në profilin e tij në Facebook.

Një ditë më parë, Edi Rama ironizoi Ben Blushin duke i thënë, se gjatë kohës që ka pasur kryetar atë, e ka bërë edhe ndonjë punë duke shkruar nja tre libra.

“Meqë ka ikur nga partia mund të thyej heshtjen por për të thënë shumë thjesht, Ben Blushi ka patur dy kryetarë në parti Fatos Nanon dhe mua. Me Fatos Nanon u bë nja tre herë ministër dhe s’bëri asnjë punë. Me mua s’bëri asnjë punë por bëri nja tre libra, romane. Dhe e vetmja gjë që unë do t’i sugjeroja nëse do kisha mundësi do ishte që  tani që është akoma me këtë mllefin atomik ndaj PS-së, të bëjë edhe një libër tjetër, një roman sepse kur të bëjë partinë e tij s’do bëjë më as punë dhe as romane. Kështu mendoj unë për Ben Blushin”, tha mbrëmë Edi Rama