Bosi grek i kokainës vdes në aksident, policia zbulon bandën e tij me shqiptarë

Autoritetet greke kanë shkatërruar një organizatë kriminale në Larisa, pjesë e së cilës rezultojnë të jenë edhe dy shtetas shqiptarë.
Sipas mediave greke, organizata që merrej me trafikimin e lëndëve narkotike është zbuluar një ditë pas vdekjes së bosit grek të organizatës, i cili humbi jetën në një aksident automobilistik në aksin Janine-Arte, raporton BalkanWeb.

Policia zhvilloi një operacion në Larisa, ku arrestoi gjashtë grekë dhe një bullgar, ndërsa shpalli në kërkim dy shtetas shqiptarë, identiteti i të cilëve nuk bëhet i ditur.

Në kuadër të këtij operacioni, policia greke sekuestroi 5.6 kg kokainë, 23.3 kg marijuanë, 45.000 euro dhe 430 dollarë.