Britani, tentuan të trafikonin 14 klandestinë shqiptarë, burg bashkëbombasit dhe anglezit

BRITANI- Tentuan të trafikonin ilegalisht drejt Britanisë së Madhe 14 shqiptarë, gjykata angleze jep dënimin për Jonathan Bridgeman, 42 vjeç dhe shqiptarin Deshan Laçi 35 vjeç. Sipas ‘The Sun’, togat e zeza dënuan me 30 muaj burg Bridgeman, ndërsa për Laçin u dha 36 muaj heqje lirie. Mësohet se transporti i klandestinëve do të bëhej me skaf, i cili ishte enkas për të futur 14 shqiptarët.

Ata mbetën mes detit, pasi mjetit lundrues i mbaroi karburanti. Po sipas ‘The Sun’, Jonathan Bridgeman dhe Deshan Laçi, do të merrnin nga 10 mijë paund për dërgimin e grupit, duke përfshirë dhe një 14-vjeçar, nga Dieppe për në Eastbourne.

Po ashtu, mësohet se ky plan, ishte i projektuar që prej vitit 2014, ku nga Franca shqiptarët do të shkonin në Angli përmes një skafi. Laçi, kishte dokumente britanike, ndërsa ishte pronar i një lavazho në vendin ku kishte emigruar prej vitesh.