Çasti kur Princ Leka e pa për herë të parë Elia Zaharian, nuse

Të mbërritur që në orët e para të mëngjesit për t’u bërë gati, Elia dhe Princi u ndanë në dhomat e veçanta të Pallatit të Brigadave të parashikuara për përgatitjen e dhëndrit dhe nuses. Sigurisht koha që Elia qëndroi në dhomën e saj ishte shumë më e gjatë, gjatë së cilës stafi i Class Make Up Studio me Erjonën, Edin dhe Monalizën u kujdes për flokët dhe grimin, ndërsa stilistja e fustanit mbretëror, Blerina Kllokoqi Rugova bashkë me asistentet, ishte aty për ta ndihmuar gjatë veshjes.

E thjeshtë, me sharm princeshe, me tiarën me diamante në kokë, Elia u shfaq në orën e caktuar në hollin e katit të dytë të Pallatit të Brigadave për të zbritur më pas bashkë me Princin në katin e parë, ku ishin grumbulluar të ftuarit dhe Erion Veliaj që do i celebronte.

Ishte vërtet një çast emocionues ai kur Princ Leka e pa për herë të parë të fejuarën e tij, me të cilën bashkëjeton, të veshur nuse, me kurorën që mbante dikur gjyshja e tij Mbretëresha Geraldine ditën kur u martua me Mbretin Zog e që me siguri babai ia ka treguar shumë herë, Lekës së vogël.

Më pas duke e mbajtur Elian në krahun e tij të majtë, sipas protokollit, Princ Leka është drejtuar me nusen për nga shkallët e brendshme të Pallatit të Brigadave duke bërë shfaqjen e shumëpritur para gjithë të ftuarëve dhe fotografëve të mediave shqiptare dhe botërore të pozicionuar para tyre.

Galeri fotografike