Çelsi spektakolar, Murinjo turpërohet në “Stemford Brixh”

Në ndeshjen e madhe që uli siparin e javës së nëntë të Premier Ligës, Çelsi shpartallon Mançester Junajtidin me rezultatin 4-0.

Nuk kishte histori dueli në “Stemford Bridxh”, me të zotët e shtëpisë që gjetën golin me Pedron vetëm 33 sekonda pas fishkëllimës së parë të gjyqtarit.

Mbrojtësi Kehil dyfishoi në të 21-n, ndërsa në pjesën e dytë Eden Hazard (62’) dhe N’Golo Kante (70’) vulosën “pokerin” e bluve të Londrës.

Me këtë fitore, e treta radhazi pa pësuar gol, ekipi i Antonio Kontes ngjitet në vendin e katërt, vetëm një pikë pas treshes kryesuese Siti-Arsenal-Liverpul.Murinjo mundet ne Londer

Kurse Zhoze Murinjo del i turpëruar nga përballja me ish-skuadrën e tij dhe tashmë “Djajtë e Kuq” e shohin veten në pozitën e shtatë me 14 pikë.