Çështja çame/ Kotzias kërcënon BE-në: Korrigjoni deklaratën, ose do ketë pasoja

Tensionohet marrëdhëniet mes Greqisë dhe BE. Ministri i Punëve të Jashtme të Greqisë, Nikos Kotzias i ka dërguar një letër Komisionerit për zgjerim të BE-së Z. Johannes Hahn, për atë që ai e ka cilësuar keqinterpretim të këtij të fundit në një çështje jo-ekzistente midis Greqisë dhe Shqipërisë.

Në letrën e tij Kotzias e thekson shqetësuese dhe që dëmton një proces të vazhdueshëm, i cili ka filluar me iniciativën e Ministrit të Jashtëm të shtetit anëtar.

Ministri i Jashtëm i bën të qartë se pozicioni i Greqisë për këtë cështje i është bërë e ditur Komisionit. “Unë përfitoj nga ky rast për të përsëritur edhe një herë qëndrimin tonë të fortë për këtë çështje. Për Greqinë, nuk ka asnjë “çështje çame”. Prandaj, nuk ka pasur dhe kurrë nuk do të jetë një çështje të tillë për axhendën shqiptare greke”.

Kotzias e qorton komisionerin për trajtimin në “mënyrë të papërgjegjshme dhe joserioze, dmth pa u konsultuar apo hulumtuar në mënyrë të plotë për çështjen kur pozicioni i Greqisë i është bërë i njohur Komisionit”.

Ndërkohë, Kotzias paralajmëron se “nëse Komisioni do të miratojë argumentet nacionaliste të atyre që këmbëngulin në rivendosjen e një problem jo-ekzistent, kjo do të përbënte pranimin e një tregimi revizionist të historisë europiane, e cila do të frymëzonte irredentizmin, duke rikkthyer në shumë pjesë të kontinentit çështje të zgjidhura në mënyrë të pakthyeshme menjëherë pas Luftës së Dytë Botërore.”

Ministri i Jashtëm grek fton Hahn dhe Komisionin në tërësi të dalë me hapa korrigjuese. Kjo është veçanërisht e rëndësishme, shton ai, të mos kete çdo referencë ngjashme mashtruese në raportin e progresit për Shqipërinë”, pasi kjo do të kishte “pasoja shumë serioze në marrëdhëniet tona”.

Duke përfunduar letrën e tij, zoti Kotzias kërkon Shqipërisë që të duket e denjë për një kandidat për statusin e vendit anëtarësimit

“Shqipëria duhet të mbetet e angazhuar për reformat evropiane. Rrjedhimisht, zbatimi i qëndrueshëm, i integruar dhe i plotë i pesë prioriteteve kyçe është thelbësore për fillimin e negociatave për anëtarësim. Kjo është e rëndësishme jo vetëm për transformimin e përgjithshëm institucional të vendit dhe kredibilitetin e procesit të zgjerimit”- perfundon deklarata.