Çfarë duhet të dini për sistemin zgjedhor amerikan

Votuesit në SHBA do të zgjedhin më 8 nëntor se kush do të jetë presidenti i ardhshëm. Në gara janë demokratja, Hillary Clinton dhe republikani Donald Trump por edhe dy kandidatë të tjerë.sondazh
Ndikimi i debatit të dytë televiziv do të japë efektet e tij në sondazhet ardhshme, por kush kryeson deri tani?

Kjo është njëra pyetje, pasi ajo më themelore është: A kanë ndonjë rëndësi sondazhet në një shtet me popullsi mbi 300 milionë?

Sondazhet kombëtare intervistojnë zakonisht rreth 1 mijë persona. Ky numër është shumë i vështirë të përcaktojë ndryshimet dhe mendimin e përgjithshëm të popullsisë.

Por, pavarësisht kësaj zgjedhjet në SHBA fitohen dhe humben nga shtetet e pavendosura si dhe nga sistemi kolegjial i zgjedhjeve.

Një president amerikan nuk zgjidhet direkt nga njerëzit, por nga një grup zyrtarësh që njihen si kolegji elektoral që përfaqësojnë shtetet e SHBA-ve.

Në teori, ky sistem zgjedhje kandidatin që fiton më shumë vota, por jo gjithmonë ndodh kjo.

Si funksionon ky sistem?

Çdo shtet ka një numër të zgjedhurish që janë pjesë e kolegjit elektoral në proporcion me numrin e popullsisë.

Teknikisht, amerikanët ditën e zgjedhjeve numërojnë votat për të zgjedhurit dhe jo për kandidatët për presidentë në vetvete.

Kalifornia që ka numrin më të madh të popullsisë ka 55 vota elektorale. Sot kolegji elektoral ka 538 vota. Kandidati fitues duhet të sigurojë 270 prej tyre për t’u shpallur fitues.

Janë identifikuar 13 shtete që do të jenë fushëbeteja për zgjedhjet. Nëse këto shtete japin rezultatin siç tregojnë sondazhet, do të kishim një fitore të pastër të Clinton.

Për Trump, mundësia që të zgjidhet president do të ishte të kthente rezultatin në Florida dhe Ohio, si dhe të fitonte disa të tjera nga këto shtete.