Clinton: Trump një kukull e Putinit, kandidati më i rrezikshëm në histori

Hillary Clinton akuzoi dje në mbrëmje rivalin e saj, republikanin Donald Trump si njeriun më të rrezikshëm që ka kandiduar ndonjëherë për presidencën amerikane, gjatë debatit të fundit mes republikanit dhe demokrates para zgjedhjeve të 8 nëntorit.

“Bernie Sanders ka thënë që ju jeni personi më i rrezikshëm që ka kandiduar ndonjëherë për presidencën amerikane në historinë moderne të Amerikës”, deklaroi Clinton.

”Dhe unë jam dakord me të”, theksoi ajo.

Nga ana tjeter Kandidati republikan për president, Donald Trump deklaroi dje në se rivalja e tij, Hillary Clinton, nuk gëzon respekt nga ana e presidentit rus, Vladimir Putin.

Clinton, nga ana tjetër, sugjeroi se Trump është kukulla e Kremlinit.

Në debatin e tretë, Clinton u pyet në lidhje me publikimin e email-ve, të cilat vënë dyshim pozicionin e saj lidhur me emigracionin dhe kufijtë.

Këto dokumente elektronike janë vjedhur nga hakerat, që qeveria amerikane thotë se janë të lidhura ngushtë me qeverinë e Putinit, dhe të publikuara nga faqja e internetit “WikiLeaks”.

“Kjo vjen nga nivelet më të larta të qeverisë ruse, në mënyrë të qartë, nga vetë Putin, në një përpjekje për të ndikuar në zgjedhje, pas konfirmimit nga 17 agjencitë tona të inteligjencës”, deklaroi Clinton.

“Unë nuk e njoh Putinin”, tha manjati i Nju Jorkut, i cili dikur kishte deklaruar se njihej me liderin rus.

“Ai tha gjëra të këndshme për mua. Nëse ne do të shkonim mirë, kjo do të ishte diçka e mirë. Nëse Rusia dhe Shtetet e Bashkuara të Amerikës kanë marrëdhënie të mira dhe së bashku luftojnë ISIS-in, kjo do të ishte në të mirë të të gjithëve”, deklaroi Trump.

“Por , lideri rus nuk ka respekt për Clinton”, pohoi ai.

“E pra, kjo për shkak se ai kërkon të ketë një kukull si president të Shteteve të Bashkuara të Amerikës”, pohoi Clinton.

“Jo kukull!… Ti je kukull!”, ia ktheu Trump.