‘Çmenduria’ e Robert Aliajt nuk njeh kufij, pas flamurit kuqezi i bën edhe ato të botës me simbole naziste (video)

Robert Aliaj ka zbarkuar sonte në Zonë e Lirë të Arian Çanit për të zbrazur mllefin e tij kundrejt të gjithë atyre, që i kundërvunë pasi bluzën e kuqe me shqiponjë e shpërfytyruar si një kryq nazist, shkruan Syri.net.

Roberti e quan këtë një vepër arti, të cilën ai pretendon se nuk e ka krijuar së fundmi, por e ka bërë tre vite më parë dhe ka ekspozuar në atë kohë në Belgjikë. Pretendimin e Bertit e konfirmon edhe Çani, i cili thotë se e ka parë para tre vitesh këtë vepër të Robertit

“Aty nuk është kryqi nazist, po Shqipëria e thyer e copëtuar në 4 pjesë, ashtu siç është katandisur gjatë këtyre 25 vjetëve”, vazhdon sqarimin e tij Robert Aliaj.

Por duket se “çmenduria” e tij artistike duket se nuk njeh kufij. Pikërisht në zonë e lirë ai ka publikuar faktin se ai nuk e ka bërë një shpërfytyrim të tillë jo vetëm për flamurin shqiptar, por edhe për disa nga flamujt e vendeve të rëndësishme evropiane apo edhe botërore, të gjitha të ngjashme me simbolin e kryqit nazist, bën të ditur Syri.net.

Më poshtë do të mund të gjeni fotografitë e këtyre punimeve të Robert Aliajt. /SYRI.net/