Conte do të bëjë shpenzime marramendëse gjatë janarit (Foto)

Antonio Conte dëshiron lojtarë të rinj gjatë janarit

Trajneri i Chelseat, Antonio Conte, pritet të shpenzojë shumë para gjatë afatit kalimtar të janarit, shkruan ‘The Evening Standard’.

Trajneri italian do të tentojë të forcojë skuadrën gjatë afatit kalimtar të janarit në mënyrë që të zënë vend në top katërshe, për të garuar në Ligën e Kampionëve edicionin e ardhshëm.

Sipas ‘The Evening Standard’, Conte ka bërë një listë të gjatë të lojtarëve që i dëshiron në ‘Stamford Bridge’ dhe prioritet janë mbrojtësi i Juventusi Leonardo Bonucci, ai i Milanit Alessio Romagnoli dhe mbrojtësi i Romës Antonio Rudiger, ku Michael Keane i Burnley gjithashtu është një opsion nëse dështon në transferimin e ndonjërit prej tre të parëve.

Conte gjithashtu dëshiron të blejë një mesfushor dhe një sulmues, me Antoine Griezmann që është i pari në listën e tij, megjithëse për të marrë francezin duhet të presë deri në verë. /Express/