I dashuri e detyronte të hante shumë, ajo e braktisi |FOTO

Një grua e cila për vite të tëra ka vazhduar të shtojë në peshë, ka arritur të humbë 100 kilogramë pasi është ndarë nga i dashuri i saj.

Patty Sanchez, nga 323 kilogramë, ka rënë në 215 kilogramë pasi është ndarë nga i dashuri, i cili e inkurajonte që të hante shumë ushqim, shkruan Daily Mail.

Ajo ka thënë se 90% e lidhjes së tyre, ka pasur të bëjë me të ngrënit. Sanchez e cila vjen nga Nevada e Shteteve të Bashkuara të Amerikës, konsumonte rreth 13,000 kalori në ditë.

Por pasi ajo u nda nga partneri i saj, nëna e katër fëmijëve ka vendosur që ta ndërrojë stilin e jetës pasi po e ndjente veten mjaft të rrezikuar nga mbipesha.

Në një pikë të jetës së saj, kur ajo nuk po mund të ecte më nga dhoma për në banjo, ka vendosur që lidhjes t’i japë fund dhe të fillojë të dobësohet.

“Unë kam qenë shumë e shëndoshë, dhe po ndjeja sikur isha duke vdekur ngadalë. Kuptova se mënyra e të ushqyerit që ma impononte edhe ish partneri nuk mund të ishte më për mua.

Pas ndarjes nga ai nisa të bija nga pesha. Që atëherë nisa të kujdesem më shumë për veten time, ashtu sikur duhet të kisha vepruar më herët”, tha Patty.