I dehur, polici i burgut terrorizon banorët duke qëlluar me armë

Një gardian i burgut të Fierit është vënë në pranga nga kolegët e tij pasi ka terrorizuar banorët e qytetit duke qëlluar me armë në ajër gjatë natës. Duke i vënë prangat, kolegët konstatuan se ai ishte i dehur.

Policia e ka arrestuar në flagrancë Sadjol Kardhashin, 24 vjeç, banues në lagjen “Sheq i Madh” dhe njoftoi se ai mban detyrën “trup shërbimi në I.E.V.P Fier.

Arrestimi ndodhi gjatë natës së kaluar, në lagjen “Sheq i Madh”, ku nën efektin e alkolit, 24-vjeçari ka qëlluar në ajër me armën e shërbimit, një pistoletë, e cila iu sekuestrua.

Tani, ai akuzohet për veprën penale “Prishje e qetësisë publike”.