Deputetja e Islandës del me bebe në foltoren e Parlamentit (Video)

Deputetja e Parlamentit islandez, Unur Bra Konradsdotir, ka mbajtur fjalim duke e mëkuar foshnjën e vet, vajzën një muaj e gjysmë, gjatë transmetimit të drejtpërdrejtë, transmeton “Koha.net”.
Ajo me këtë rast ka thënë se mëkimi është gjëja më e natyrshme në botë. Deputetja me orientim të djathtë e Partisë për Pavarësi i ka thënë AFP-së se të folurit gjë nuk e pengoi foshnjën.

“Përkundrazi, do ta pengonte sikur t’ia ndërprisja mëkimin gjatë kohës që flisja”, ka thënë nëna e tre fëmijëve. Mediet islandeze kanë raportuar se kjo ka ndodhur për herë të parë në historinë e këtij vendi.

Në Islandë, në vitin 1980 kryetare e vendit për herë të parë në mënyrë demokratike u zgjodh Vigdis Finbogadotir.