Dëshmi rrënqethëse, babai shqiptar përvëloi vajzën me ujë të nxehtë

Gjatë procesit gjyqësor në Itali, ndaj një shqiptari të akuzuar se keqtrajtonte tre vajzat e tij, kanë dalë dëshmi rrënqethëse nga dëshmitarët.

Mediat italiane raportojnë se dhuna dhe keqtrajtimi ndaj tre vajzave konsumoheshin edhe në prani të miqtë që mund të kishte familja.

Një rast e ka dëshmuar një i afërm i cili ka qenë për darkë në këtë familje. Një nga vajzat ishte e detyruar të gatuante darkën. Babai e nxiste në çdo moment të nxitonte, pasi darka po vonohej.

Në një moment, i merr enët me ujë që po ziente në sobë dhe ia derdh në duar në shenje ndëshkimi, duke e sharë se ishte shumë e ngathët.

Raste të tilla, sipas  akuzës ishin të përsëritura. Vetë vajzat kanë treguar për jetën që bënin duke thënë se në shumicën e herëve të dhunës babai ishte nën ndikimin e alkoolit.

Provë në proces përvec dëshmive janë edhe raportet mjekësore dhe shenjat e të djegurave që ka pasur një nga vajzat në duar.