Detajet e reja/ Gjendet me plumb në kokë një person në Shkodër, rëndë në spital

Një tjetër ngjarje e rëndë ka tronditur Shkodrën këtë të enjte. Burimet bëjnë me dije se një person ende i paidentifikuar ndodhet në gjendje kritike për jetën. Ai është gjetur i qëlluar me një plumb në kokë në aksin rrugor Shkodër-Velipojë.

“Panorama” mësoi se në sallën operative të policisë në Shkodër kishte mbërritur një telefonatë që ka lajmëruar për një vrasje të ndodhur me armë. Fillimisht policia tha se kishte një viktimë, por kur shkoi në vendngjarje, pa tek ura e ‘Ded Gjo Lulit’ trupin e qëlluar me armë ende me shenja jete.

Ai është dërguar në spitalin e Shkodrës nga ku mësohet se ndodhet në gjendje të rëndë shëndetësore me një plumb në kokë.

Pranë tij u gjet edhe një makinë që dyshohet se është personale.

Blutë kanë nisur hetimet për këtë ngjarje.