Doni të shkoni në SHBA? ‘Anna’ ju tregon gjithçka duhet të dini

Ambasada e SHBA-së në Tiranë ka krijuar një konsulle virtuale të quajtur Anna.

“Jemi duke u përpjekur që të shpjegojmë për ju procesin e aplikimit të vizave në një mënyrë të re! Kemi krijuar një personazh virtual – e kemi quajtur “Konsullja Anna” – e cila shumë shpejt do i përgjigjet të gjitha pyetjeve lidhur me vizat në një program të ri në Facebook të titulluar ‘Pyet Anën’”, sqaron sot ambasada në një postim në rrjetin social.

“Konsullja Anna është një personazh jo real, por mos u gënjeni! Këshillat e saj do të vijnë nga një ekip zyrtarësh të vërtetë të konsullatës në Ambasadë, të cilët kanë ndihmuar në krijimin e saj. Nesër ne do të postojmë numrin e parë të “Pyet Anën”! Mos humbisni!”, përfundon postimi i Ambasadës amerikane në Tiranë.

Disa ditë më parë, është hapur edhe lotaria amerikane.