Drejtësia/ Bylykbashi: Nuk pranojmë arrogancën e qeverisjes

“Partia Demokratike votoi nen për nen dhe në tërësi ligjin për SPAK. Partia Demokratike e votoi plotësisht, pasi të gjitha ligjet që përmbante drafti për SPAK ishte në përputhje me të gjitha kërkesat e Venezias dhe partnerëve tanë. Ishte ligji më i rëndësishëm. Pjesa e tjetër nuk u votua dhe ne u larguam në shenjë të arrogancës së mazhorancës ndaj nesh duke ndryshuar ato pjesë që ramë dakord, konkretisht ligjin që rregullon Këshillin e Lartë gjyqësor dhe Prokurorisë, pasi në këtë pjesë është prishur konsensusi”, tha Bylykbashi, duke e cilësuar Ramën si rekordmen të thyerjes së konsensuseve.