Droga në Vlorë/ Kush e njoftoi oficerin e policisë ‘pronar i dy parcelave’ se do të arrestohej?

Ndonëse ai duhet të ishte ruajtës i ligjit, efektivi i policisë në Vlorë është shpallur në kërkim nga kolegët e tij pasi akuzohet se ishte pronar i dy parcelave me hashash. Por, skandali thellohet akoma më shumë, pasi ka dyshime se Renaldo Avduli, oficeri i sektorit kundër krimit ekonomik, është njoftuar për arrestimin nga kolegët e tijm.

Burime zyrtar nga policia e Vlorës bënë me dije për ‘BalkanWeb’ se Shkëlqim Koçiaj dhe Taulant Haxhiraj, për tu kujdesur për parcelat e mbjella me kanabis kishin punësuar disa persona. Ndërkohë, gjatë operacionit për asgjësimin e kanabisit u arrestuar disa punëtorë që merreshin me parcelat.

Të njëjtat burime pohuan se Avduli dhe dy bashkëpunëtor e tij, kontrollonin veprimtarinë kriminale përmes fotove që u dërgonin punëtorët e kanabisit. Tashmë , Avduli është shpallur në kërkim, ndërsa ndaj tij është caktuar në mungesë edhe masa e sigurisë ‘Arrest me burg’.