Drogë, armë, fishekë dhe makina të trafikuara, ne pranga dy persona

Dy persona u arrestuan në flagrancë ndërsa një i tretë do të procedohet penalisht për kultivim të lëndës narkotike. Lavdrim Kapaj 41-vjeçar nga Povelça e Fierit dhe Mikel Isa 21 vjeç nga fshati Qafë-Gjashtë i Sarandës u vunë në pranga në sajë të operacioneve anti-kanabis të ndërrmarra na strukturat e Policisë së Shtetit.

Lavdimir Kapaj u vu në pranga pasi gjatë kontrollit në shtëpinë e tij, policia e Fierit gjeti dy armë zjarri automatik model 56 me 2 krehra me nga 30 fishekë dhe 23.2 kg Cannabis Sattiva.

Mikel Isaj u zbulua nga policia teksa udhëtonte me një makinë në “Kryqëzimin e Rrepeve” në Fier. Nga kontrolli i ushtruar efektivët gjetën në çantën e tij të brezit 8 fishekë dhe 1 copë letër alumini me 50 fara bime narkotike kanabisi.

Nga verifikimet e kryera rezultoi se ‘BENZI’ me targë VL 3848 B, dyshohet të jetë i vjedhur dhe  i trafikuar në Shqipëri. Akuzën e “trafikimit të mjeteve motorike”, policia e ka ngritur ndaj një 27-vjeçari me inicialet A.D me banim në lagjen “Kushtrimi” në Vlorë.

Konkretisht u sekuestruan:

– 23.2 Kg lënë narkotike Cannabis Sattiva.

– 50 fara bime narkotike Cannabis Sattiva.

– 2 armë zjarri automatik model 56.

– 2 krehëra dhe 68 fishekë.

– 1 makinë tip benz me targa VL 3848 B.