‘Drogë në shtëpinë e deputetit’, reagon Qefalia

Pas denoncimit të PD-së se Haxhi Qefalia që është arrestuar nga policia dhe i janë gjetur 50 kg kanabis është i afërm i deputetit socialist Xhemal Qefalia, ka reaguar ligjvënësi.

Ai ka thënë për News 24 se nuk ka asnjë lidhje me personin e arrestuar dhe se do të padisë Partinë Demokratike.

“Nuk kam asnjë lidhje, ai nuk është banor në zonën time”, tha deputeti socialist.

“Do të ushtroj kompentecat dhe do padis PD-në”, shtoi ai.

“Në mënyrë kategorike nuk kam asnjë lloj lidhje, mbiemri Qefalia është një mbiemër i përhapur”, theksoi deputeti i majtë.