Dua Lipa vs Bebe Rexha

Që të dyja kanë arritur të kenë fillime të mbara në muzikë. Këngët e tyre janë hite të padiskutueshme dhe si rrjedhojë fama e tyre vetëm sa po rritet.

Kanë pasur fatin të mbajnë koncerte gjithandej, madje edhe në trojet shqipfolëse, raporton emisioni Express në KTV.

Janë ftuar nëpër emisione të ndryshme televizive, ku edhe kanë performuar ‘live’ dhe kanë treguar se kanë potencial për t’u shndërruar në yje të mëdha në të ardhmen.

Dhe jo kot, që të dyja, si Dua Lipa ashtu edhe Beba Rexha, kanë arritur të marrin nominime në ceremoninë prestigjioze të shpërblimeve “MTV EMA Awards”.

Dua dhe Bebe janë të nominuara në kategorinë për “Depërtimin më të mirë”, ndërsa Bebe Rexha ka edhe një tjetër nominim, atë për kategorinë “Ylli më i mirë i ri”.

Sipas gazetares Behare Bajraktari dhe muzikantit Besim Gashi – Babuka, këto nominime janë arritje jo vetëm për këngëtaret, por edhe për shqiptarët në përgjithësi.

Dua dhe Bebe padyshim se kanë edhe konkurrentë të tjerë të nominuar, por nëse fokusohemi vetëm te këto, kush sipas bashkëbiseduesve ka më shumë gjasa ta fitojë çmimin për “Depërtimin më të mirë” dhe pse?
Babuka shton se një përparësi e madhe te këto dy këngëtare është edhe fakti se që të dyja kanë dorë në realizimin e këngëve.

Këto nominime nuk janë lënë pa u komentuar as nga disa këngëtarë të tjerë, mes tyre edhe Aurela Gaçe. Duke thënë se ndihet krenare me të, Gaçe ka mbështetur Bebe Rexhën, duke ftuar publikun për ta votuar.

Ndryshe, Bajraktari dhe Gashi janë të bindur se shqiptaret Rexha dhe Lipa i pret një rrugë e sigurt dhe me shumë suksese.

MTV-ja për çmimet muzikore në Evropë do të mbahet të dielën e 6 nëntorit në Holandë. https://youtu.be/iV032k8LQ0s