Dy kunetërve shqiptarë u gjendet ‘thesari i kokainës’ dhe mijëra euro

“Një burrë fsheh kokainë në këtë lagje”.

Pasi morrin sinjalin nga një burim kofidencial, agjentë të policisë italiane të Milanos janë vendosur me ditë në zonën e sheshit “Monza” dhe rrugës “Padova”.

Dhe nuk i është dashur shumë për të identifikuar të dyshuarin, një shqiptar i cili lëvizte me një “Fiat Bravo” së bashku me një bashkatdhetar, i cili u zbulua më pas se ishte kunati, raportojnë sot mediat lokale, shkruan Syri.net.

Të hënën, agjentët kanë zbuluar vendin ku fshihet droga dhe kanë sekuestruar 5 kg e 600 gr kokainë dhe 26 mijë euro. Dy përgjegjësit, një 25-vjeçar shqiptar dhe kunati i tij 37-vjeçar me precedentë të mëparshëm për drogë janë arrestuar. Nën hetim në gjendje të lirë është edhe gruaja e më të voglit, e cila është 28-vjeç.

Aksioni

Fillimit, policët kanë pikasur veturën. Duke e ndjekur, kanë parë 25-vjeçarin i cili drejtonte mjetin, ndërsa kunati ishte ulur në sedijen e parë. Duke lëvizur drejt rrugës “Padova”, makina është ndaluar në rrugën “Golfo degli Aranci”: 25-vjeçari hyri në një ndërtesë dhe pak kohë më pas doli sërish me një zarf në dorë.

Në këtë pikë, policia ndaloi të riun duke i sekuestruar zarfin, brenda së cilit kishte 112 gr kokainë. Më pas, vijoi kërkimi në një apartament në të njëjtën rrugë, çelësat e së cilëve iu gjetën dy shqiptarëve, shkruan Syri.net.

Droga në apartament

Në apartament, i cili ishte marrë me qira nga një italian, u zbulua ‘thesari i drogës’: Një kg e gjysmë kokainë në gjendje të ngurtë, i fshehur në një kasafortë dhe disa gramë të tjera të vendosur brenda disa kuti këpucësh në dhomën e gjumit dhe sallon. Në banesë, u gjetën edhe materiale për paketimin e drogës.

Dyshimi është se dy shqiptarët ishin shpërndarës droge, të “nivelit të ndërmjetëm” që furnizoni shpërndarësit e rrugës, shkruan Syri.net.

Shqiptarët kishin edhe çelësa të tjerë, ato të apartamentit ku ata jetonin në rrugën “Iglesias”, së bashku me 28-vjeçaren, gruan e 25-vjeçares, njëkohësisht motra e 37-vjeçarit.

Kontrolli u shtri edhe në apartamentin e dytë ku u gjetën të fshehur 60 gr kokainë dhe 26 mijë euro.