E ëma e autorit të masakrës në Dajç: Më vjen turp të dal nga shtëpia (VIDEO)

Me lot në sy, e frikësuar deri në palcë dhe e traumatizuar. nëna e autorit, Rita Parubi ka rrëfyer momentet tragjike nga masakra e rëndë në Dajç ku u vranë jetën 2 persona dhe u plagosën 4 të tjerë.

Në një prononcim ekskluziv për ‘News24’ dhe ‘BalkanWeb’, e moshuara, e cila pret me ankth në gjykatë caktimin e masës së sigurisë për të birin, Miklovan Parubin, pohon se i ka nënat e viktimave dhe të të plagosurve i ka shoqe, por nga turpi nuk ka mundur t’u shkojë për vizitë sa i takon ngjarjes së rëndë. Ajo rrëfen më tej se Mikovanin e kanë nxitur të tjerë, pasi ajo besoj tek djali i saj.

“Hall i madh na ka rene. Nenat e viktimave dhe te plagosurve i kam patur shoqe. Me vjen turp te shkoj atje. Kemi qëndruar te mbyllur këto dite. Miklovanin e kane nxitur te tjerët sepse e kanë njohur të gjithë si djalë te mire. Mua dhe Vanit na i kanë puthur duart nënat e viktimave dhe të plagosurve më parë. Nuk e di si ndodhi kështu. Do Zoti, nuk i japin burg për jetë. Jemi te traumatizuar nga ngjarja e rëndë.”, pohon mes lotësh gruaja për gazetarin Senad Nikshiqi.

33-vjeçari ka pranuar krimin e kryer vetëm për një lojë pokeri, ndersa me pas hyri në lokal me automatik, e kishte kërkuar t’i veçonte personat që donte të qëllonte, konkretisht dy viktimat Arjet Saiti 42 vjeç dhe Gacalin Kopshti 30 vjeç dhe vëllain e këtij të fundit, që mbeti i plagosur Vinçens Kopshti, 26 vjeç. Por pasi nuk kishin pranuar të ndaheshin, Parubi deklaroi se qëlloi ndaj të gjithëve. Nga sulmi, të plagosur kanë ngelur edhe Aleks Prendi, 40 vjeç Ndok Marku, 35 vjeç dhe Kitas Molla 26 vjeç.