Edhe Shtëpia e Bardhë e pushtuar nga fantazmat

Shumëkush beson që shpirtrat e të vdekurve kthehen në këtë botë në formë fantazmash, duke i shndërruar objektet, në të cilat vendosen në vende të tmerrshme banimi.

Shtëpia e bardhë

Njëra nga shtëpitë më të famshme në botë, Shtëpia e Bardhë, ka shërbyer si rezidencë e presidentëve të Shteteve të Bashkuara të Amerikës që prej vitit 1800. Për gjenerata të tëra kjo shtëpi ka qenë në fokus për aktivitetet e pushtimit. Meqë në të kanë jetuar shumë figura të shquara historike dhe shtëpia është vizituar nga shumë të tilla, nuk është për t’u çuditur fakti që në të është raportuar për shfaqjen e fantazmave të ndryshme. Franklin Roosevelt, Dwight Eisenhower, dhe madje edhe Winston Churchill kanë raportuar ta kenë parë fantazmën e Abraham Lincoln-it. Madje, familja Obama së fundmi ka pretenduar se ka dëgjuar zëra të llahtarshëm në pikë të natës.

Hoteli ‘Queen Mary’

Ky hotel, që prej viteve të tridhjeta deri në ato të shtatëdhjeta ka shërbyer si anije, është njëri nga hotelet më të pushtuara në botë. Hoteli tashmë gjendet në plazhin e Kalifornisë dhe një sërë njerëzish kanë raportuar për shfaqjen e një sërë fantazmash ndër vite. Njëra nga pjesët më të pushtuara të hotelit është ajo ku gjendet një pishinë e madhe, ku janë shfaqur fantazmat e njerëzve që kanë vdekur në hotel, kryesisht punonjës të hotelit.

Kështjella e Shpresës së mirë

E ndërtuar në shekullin e shtatëmbëdhjetë nga Kompania Holandeze ‘East Indies’, Kështjella e Shpresës së Mirë në Kejp-Taun është ndërtesa më e vjetër koloniale në Afrikën Jugore. Aktivitetet e para paranormale kanë filluar në vitin 1915, kur njerëzit kishin filluar të shihnin fantazmën e një njeriu të gjatë, që sorollatej përreth kështjellës. Më vonë, në vitin 1947, një numër i madh njerëzish e kishin parë përsëri fantazmën e këtij njeriu misterioz, i cili, madje, e kishte kaluar murin rrethues të kështjellës.

Kështjella Dragsholm

Kështjella Dragsholm në Danimarkë është ndërtuar në vitin 1215. Gjatë shekullit të gjashtëmbëdhjetë, disa pjesë të kështjellës ishin përdorur për burgosjen e kriminelëve. Kështjella ishte rindërtuar në vitin 1694 kur edhe i ishte ndryshuar stili i ndërtimit. Tash e një kohë të gjatë flitet për faktin që kështjella është e pushtuar nga të paktën tri fantazma të ndryshme. Njëra prej fantazmave është ajo e të ish-burgosurit James Hepburn, megjithatë, fantazma më e famshme, që e ka pushtuar këtë kështjellë, është ajo e Zonjushës së Bardhë. Ajo ishte masakruar nga i ati i saj, pasi që kishte rënë në dashuri me një person të papërshtatshëm për të.