Elvis Rroshi: I kam futur ‘Restart’, të fitoj kohën e humbur në arrest

KAVAJE- Fill pas ndryshimit të masës së sigurisë nga ‘arrest shtëpie’ në ‘detyrim paraqitje’, kryebashkiaku Elvis Rroshi është rikthyer në detyrë, ku duket se ka nisur vrullshëm punën. Ka qenë vetë i pari i Kavajës ai që ka publikuar disa foto në rrjetin social ‘Facebook’, ndërsa thekson se do rifitojë kohën e humbur.

“Restart:)
Do fitojmë kohën e humbur duke punuar personalisht ditë-natë në shërbim të qytetit që smë la kurrë në baltë???”, citohet në mesazhin e Rroshit.

Rroshi u lirua dje nga akuza për fshehjen e 5 emrave të ndryshëm të përdorur në vendet e BE-së. Gjykata e Lartë vendosi t’i heqë masën e arrestit në shtëpi. Në qershor Gjykata e Tiranës dha masën arrest shtëpie për Elvis Rroshin ndërsa në korrik Gjykata e Apelit la në fuqi vendimin e shkallës së parë, teksa kreu i Bashkisë Kavajë kërkoi shfuqizimin e kësaj mase dhe kthimin në detyrë.

Elvis Rroshi akuzohet se ka përdorur 5 emra të rremë në vende të ndryshme të BE-së, të cilat nuk ishin deklaruar në formularët e dekriminalizimit. Ndërkaq duke komentuar vendimin, avokati i tij Theodhori Sollaku u shpreh dje se: “Ky vendim tregon që organet e drejtësisë kanë reflektuar dhe kanë vendosur drejtësinë në vend”.
(ed.me/BalkanWeb)14671204_1157427834339513_2132745075969631117_n 14702252_1157427587672871_2067231663145650258_n