EMRI/ Pranga 50-vjeçarit në Tiranë, shfrytëzonte dy femra për prostitucion në motelin e tij

Një 50-vjeçar është arrestuar në Tiranë i akuzuar për shfrytëzim prostitucioni të dy femrave.

Sipas Policisë së Tiranës, i arrestuari është Lulëzim Zela dhe janë proceduar në gjendje të lirë dy femrat L.B dhe I.S, të dyja nga Tirana.

Uniformat blu kishin siguruar informacione se Lulëzim Zela në rolin e ndërmjetësuesit dyshohet se shfrytëzonte për prostitucion dy femrat.

50-vjeçari posedonte një ambient 3-katësh të përshtatur si motel në Tiranë dhe dyshohet se  prej disa kohësh shfrytëzonte dy shtetaset për ushtrim prostitucioni.

Klientët i gjente Lulëzim Zela, i cili merrte pagesë nga këta të fundit për dhomën, pasi binin dakord paraprakisht edhe për pagesën kundrejt shtetaseve  të mësipërme.