Endri Fuga kerkon të kapë në gabim autorin e shkrimit në “Huffington Post”, repliklon Coffey : Ke probleme serioze

Këshilltari i kryeministrit, Endri Fuga nëpërmjet dy postimeve në “Twitter” është munduar të kapë në gabim autorin e shkrimit në “Huffington Post”, Luke Coffey, që fliste për rritjen e sasisë së drogës së mbjellë në Shqipëri dhe rrezikun që ajo kishte për destabilitetin e Ballkanit.

Fuga ka nxituar të citojë raportin e autoriteteve italiane se në Shqipëri është shkatërruar 99.8% e kanabisit të zbuluar, ndërsa zonat ku bima mbillet tashmë janë më të pakta.

“Bazuar në raportin e sotëm të autoriteteve italiane, policia shqiptare ka shkatërruar 99.8% të kanabisit. Që prej 2013-ës, falë policisë shqiptare, shkatërrimi i bimëve është rritur, ndërsa zona e plantacioneve ka pësuar rënie”, i shkruan Fuga Coffey-t.

Megjithatë, ky i fundit ka replikuar me Fugën duke pretenduar se shifrat e qeverisë shqiptare nuk korrespondojnë me njëra-tjetrën. Ai i drejtohet këshilltarit të kryeministrit se matematika nuk i jep atij të drejtë, ose Fuga ka probleme serioze.

“Vitin e kaluar pretendohet se është asgjesuar 99.2% e bimëve, po këtë vit janë asgjesuar 1.7 milion bimë. Ose matematika nuk përputhet, ose ka probleme serioze”, replikon Coffey.