Euro bie pranë nivelin më të ulët që prej muajit Mars

Monedha e përbashkët europiane ra pranë nivelit më të ulët që prej muajit Mars, menjëherë pas deklaratës së Mario Draghit se, programi i lehtësimit sasior në shkallë të gjerë nuk do të ndërpritet në mënyrë agresive.

Monedha e përbashkët europiane mbyll kështu javën e tretë më radhë në humbje. Gjatë këtij muaji, Euro ka humbur 2.9% të vlerës. Ekspertët shprehen se, rënia mund të thellohet edhe me 0.7%.

Pas deklaratës së kreut të Bankës Qendrore Europiane, monedha ra me 0.2%, duke u këmbyer me 1,09 dollarë. Më 10 mars të këtij viti, monedha ra pranë 1.0890 dollarë. Gjatë kësaj jave ndërkohë rënia fiksohet pranë 0.6%.

Ekspertët projektojnë një rënie të mëtejshme, pranë nivelit të 1.0830 dollarëve. Lehtësimi sasior në shkallë të gjerë i Bankës Qendrore Europiane ka për synim të nxisë inflacionin dhe rritjen ekonomike.

Por duket se ende nuk ia ka arritur qëllimit. Për këtë arsye, institucioni me bazë në Frankfurt duket se nuk ka ndërmend t’i japë fund në muajin Mars, ashtu siç ishte parashikuar më parë. Politikat monetare lehtësuese kanë efekt zhvlerësues te monedhat e mesa duket euro do të vazhdojë të humbasë terren. /ScanTv