Fati tragjik i babait shqiptar që nuk e njohu kurrë vajzën e tij

Ishte 17 tetori i vitit të kaluar, pak para se ora të shkonte 20:00, ku pranë një stacioni autobusi, Eldi Shehu u përplas me motorin e tij me një makinë që drejtohej nga një 68-vjeçar grek.
26-vjeçari nga Shqipëria mbeti i vdekur në vend për shkak të përplasjes së fortë dhe ballore. I riu shqiptar ishte mjaft i njohur në Agrino.

Ai kishte emigruar atje për një jetë më të mirë dhe punonte në një pikë karburanti.

Në momentin e aksidentit Shehu ishte i shoqëruar nga një shok, i cili ende nuk e beson atë që ka ndodhur.

Fati i rezervoi lojën më të keqe të riut dhe bashkëshortes së tij. Tetë muaj më parë, Shehu u bë baba, pasi bashkëshortja e tij lindi vajzë.