Faza e dytë e regjistrimeve, maturantët sërish në kaos. Flet deputetja Mehmetaj

Maturantët janë duke u ndeshur sërish me vështirësi sa i përket regjistrimit në fakultete. Deputetja e LSI, Kejdi Mehmetaj tha për Opinion.al se dhjetëra maturantë janë ankuar se programi kompjutertik i lançuar me bujë nga Ministrja e Arsimit, Lindita Nikolla nuk funksionon. Sipas saj, në këtë program nuk shfaqen të dhënat për tre universitetet kryesore në vend, UT, UPT dhe UBT. Po kaq, Mehmetaj u shpreh se nuk është mbajtur premtimi që vetë ministrja kishte bërë. Bëhet fjalë për kolonën me pikë zero për lëndët që maturantët nuk i kanë bërë në shkollë të mesme. Kjo kolonë nuk është hequr kështu maturantët rezultojnë sërish me pikë të ulta.

Sipas deputes së LSI-së, maturantët po hasin vështirësi për (te gjetur veten tek Juridiku, Filologjiku, Shkencat Sociale dhe Gjuhet e Huaja) ndër degët më të kërkuara. Atje paraqitet i njëjti problem si në fazën e parë. Një fitues bllokon disa degë, duke lënë shumë të tjerë jashtë dyerve të fakultetit. Faza e dytë e regjistrimeve sipas rregullores duhet të kryhet në datat 13-16 tetor, ndërsa viti i ri akademik nis më 20 shtator. Pra është një kohë krejt e pamjaftueshme për tu bërë të gjitha regjistrimet në kohë, pasi edhe nga faza e dytë pritet të ketë vende të lirë dhe maturantët që vertiten për të hyrë në fakultet. (Vete fakulteti i Ekonomise ka deklaruar se pritet te kete me shume se 300 vende te lira pas regjistrimeve te fazes se dyte. Nderkohe nuk ka asnje informacion nga ministria si do procedohet per vazhdimin poshte vijes se kuqe dhe si do te garantohet transparenca)

Dy ditë më parë, ministrja e Arsimit dhe Sportit, Lindita Nikolla do të deklaronte se raundi i dytë vijon me fazat e mëtejshme të uljes së vijës. “Kandidatët që kanë rezultuar jofitues deri në fund të raundit të dytë duhet të presin fazat pasardhëse, pasi për regjistrimet në përfundim të çdo faze mundësitë shfaqen në fazën e mëpasme, në fillim të saj, si dhe gjatë regjistrimeve në kohë reale më pas”, është shprehur ajo. Sipas Nikollës, ulja e vizës së fituesit të fundit do të bëhet pas mbylljes së procesit të regjistrimeve për raundin e dytë, më datë 16 tetor 2016 dhe do të pasohet nga dy nënfaza të tjera 2-ditore, gjatë të cilave do të plotësohen të gjitha kuotat e mbetura pa plotësuar. /Opinion.al

*Bashkëngjitur listat, ku faktohet se një maturant me mesatare me te ulet sfidon ate me mesatare me te larte tek fakulteti i Drejtesise. Me vije te verdhe eshte nenvizuar humbesi dhe me te gjelbert, fituesi. 

2aa8114d-86ea-43f1-ba2c-016359b4632a Capture