Fëmija 4 vjeç kishte dhimbje veshi, mjekët i heqin 80 krimba

Ajo kishte 80 krimba në veshin e saj të majtë. Radhika Mandloi, një vajzë indiane 4 vjeçe, filloi të përjetonte disa kruarje të rënda në vesh, të cilat më pas konvertohen në dhimbje të forta dhe mjaft ekstreme në javën e fundit.

Sipas Daily Mail, prindërit e saj nuk do i kushtonin fillimisht rëndësi të keqes që po përjetonte vogëlushja, deri në momentin kur të qarat e vazhdueshme të vajzës i detyruan ata që ta çonin atë në spital.

Këtu vjen edhe zbulimi shokues i mjekëve të cilët zbuluan mbi 80 krimba të cilët kishin jetuar në heshtje në veshin e saj.

Pas operacionit Radhikas i janë hequr të gjitha krimbat dhe tani fëmija është mirë. Siç është shpjeguar nga mjekët, krimbat mund të jenë tërhequr për “erën e keqe” për kushtet higjienike të trupit të vogëlushes Radhika.

“Është e qartë se kjo familje jeton në kushte ekstreme që në një farë mënyre kanë kontribuar në këtë situatë. Kjo ishte shumë e trishtuar. Ne e dimë se veshët dhe hunda janë zonat më të rrezikuara për këto situata të pakëndshme.

Ne kemi pasur raste të mëparshme në të cilën kemi qenë të detyruar të ndërhyjmë për të hequr dy ose tre vezë të tyre, por kjo është hera e parë që ne pamë një njeri me një sasi kaq të madhe krimbash”, tha Raj Kumar Mundra, nga spitali.

Pas një ekzaminimi të plotë për të përcaktuar shkakun e dhimbjes së saj, Radhika ka pasur dy seanca për të hequr insektet.