Fermerët e mbysin me ankesa, Rama justifikohet, akuzon drejtoritë e bujqësisë: S’e bëjnë punën siç duhet

Kryeministri Edi Rama ka lëshuar një kritikë sot për drejtoritë e bujqësisë në bashkitë e vendit se nuk e bëjnë punën e tyre ashtu siç duhet për të ndihmuar fermerët, një përgjgije kjo për të gjitha ankesat që iu drejtuan nga fermerët e fshatit Goranx të Gjirokastrës.

Fermerët i ngritën Ramës një sërë problemesh, duke nisur nga harta e kultivimit, tarifa e tokës, subvencioni dhe Rama ia bëri përllogaritjet e tarifës së tokës aty për aty një fermeri, që doli me çmimin gjysëm për gjysëm, ndaj ai akuzoi drejtoritë e bujqësisë se  detyra e tyre është të informojnë, të asistojnë dhe të ndihmojnë fermerët.

Fermeri tha se për 2500 metra katrorë, ALUIZNI i kërkon 9 milionë lekë tarifë për tokën, ç’ka e ka vënë në vështirësi të madhe, por Rama iu përgjigj:

“S’ka tarifë të tillë  për tokën dhe ju duhet të paguani 200 lekë për katror që janë katër milionë lekë të vjetra për giithë këtë. Sa për këtë, ai drejtori atje tek ALUIZNI,  të hënën do të bëjë legalizimin, – tha ai dhe duke iu drejtuar një blegtori tjetër, shtoi: – Të dyja stallat do t’i legalizosh të hënën dhe do më çosh mua mesazh të hënën në darkë “U bë”!

Më vjen shumë keq edhe për një gjë, që ne e kemi bërë hartën e rajonalizimit të produkteve; kush janë produktet sipas zonave që ne, qeveria, mbështesim edhe me subvencion. Nuk të ndalon njeri të mbjellësh edhe banane, po ato të thonë se në këtë zonë duhen mbjellë këto produkte, duke marrë parasysh edhe traditën, kushtet etj

Problemi ynë se drejtoritë tona të buqësisë nuk e bëjnë punën ashtu siç duhet. Se puna e parë e tyre është të informojnë dhe të asistojnë dhe të ndihmojnë, se nuk është ndonjë shkencë e madhe.

Kemi bërë një reformë të madhe dhe punë të konsiderueshme, një pjesë e përgjegjësisë i ka kaluar dhe bashkive, ku do të ndërtojmë në bashki një sportel unik për t’iu përgjigjur gjithë pyetjeve të fermerëve,” theksoi Rama.