Fier, sekuestrohen 133 kg kanabis në një furgon, arrestohet shoferi

Policia e Fierit ka sekuestruar një sasi prej 133 kilogram kanabis sativa, e cila u gjet në një furgon.

Në kuadër të operacionit të koduar “Topoja” blutë e Fierit arrestuan shtetasin Gëzim Ferko, 56 vjeç, banues në lagjen “Mbrostar Ferko” në Fier.

“Arrestimi i këtij shtetasi u bë pasi në aksin rrugor Fier-Seman, në mjetin e tij tip furgon me targa FR 1838 B, iu gjetën e sekuestruan në cilësinë

e provës materiale 133 kg lëndë narkotike e dyshuar Cannabis Sattiva”, sqaron policia.

Materialet i kaluan Prokurorisë pranë Gjykatës së Shkallës së Parë Fier për veprën penale “Prodhim dhe shitje e narkotikëve” parashikuar nga Neni 283/2 i Kodit Penal.