Foto-galeri/Lezha e gjitha nën ujë, banorët të braktisur nga shteti

Lezha është e gjitha nën ujë dhe situata nuk pritet të kenë përmirësim. Fotot që shoqërojnë këtë shkrim janë bërë nga gazetari i Tv Klan në Lezhë, Gjergj Figuri i cili thotë se qyteti i Lezhës dhe një sërë fshatrash janë me prezencë të madhe uji.

Situata më promblematike paraqitet brenda në qytet dhe në fshatrat e Zejmenit dhe Blinishtit.

Kështu, në fshatin Gajush shumë banesa janë nën ujë, ku niveli arrin deri në 50 cm. Paradite u bllokua dhe lëvizja, pasi rruget u mbuluan nga uji.

Banoret thonë se kjo situatë përsëritet sa herë që ka reshje shiu, ndërsa sipas tyre asnjë përfaqësues i pushtetit lokal apo qendror nuk ka shkuar për ta parë situaten. Situata mendohet se është krijuar nga bllokimi i një turbine shkarkimi pranë supestradës.

Ministria e Bujqësisë është mjaftuar sot me një komunikatë për mediat, pasi vetë ministri Panariti ndodhet në Kinë. As vartësit e tij nuk kanë qenë në zonën e përmbytur.

Edhe në njësinë administrative të Blinishtit janë disa banesa të përmbytura. Kreu i njësisë, Sokol Luku thotë se përmbytja ka ardhur si pasojë e bllokimit të kanalëve kulluese, ndërsa i apelon qeverisë që të alokoje fonde për të ndërhyrë.

Ndërsa në qytet shkak i përmbytjes është bërë vërshimi i lumenjve.

Ashtu si dhe heret e tjera, lagjet “11 janari” dhe blloku i banimit “11.2” si si dhe oborret e shkollave janë të përmbytura, ku niveli arrin deri në 30 cm. Drejtori i Shërbimëve Publike në Bashkinë Lezhë, Ndue Lushi thotë për Tv Klan se përmbytjet në qytet do të jenë të vazhdueshme nëse nuk investohet në kanalizimet nëntokësohere të cilët nuk pëballlojnë prurjet kur ka reshje të dendura shiu.

Si pasojë e prurjeve të shumta nga reshjet është rritur edhe niveli i Lumit Drin i cili në disa zona rrezikon të dalë nga shtrati.Por ndonëse situata gjatë dites së sotmë ka qenë mjaft kritike asnjë përfasues i Shtabit të Emergjancave nuk është parë në terren për tju ardhur në ndihmë banorëve të përmbytur, raporton gazetari që ndoqi nga afër situatën.

/Opinion.al14690840_10209352112633451_2592674794708010760_n 14690840_10209352112633451_2592674794708010760_n-1-550x412 14705678_10209352113153464_8328555912064119066_n 14793665_10209350051661928_174801488_n 14797281_10209350042221692_1702024313_n 14798812_10209352384080237_647881281_n 14800833_10209352382600200_635311350_n 14804806_10209352385560274_1226751145_n 14804859_10209352392960459_1841468163_n 14805649_10209352394680502_868483065_n