FOTO/ Menuja presidenciale në darkën e Renzit me Obamën në Shtëpinë e Bardhë

Kuriozitetin e publikut, shefat e kuzhinës së Shtëpisë së Bardhë u përpoqën ta shuajnë me disa informacione mbi darkën që do të shtrohet aty në nder të Italisë dhe kryeministrit Matteo Renzi.

Ylli italo-amerikan i gastronomisë, Mario Batali, të cilit i është besuar përgatitja e ushqimit, u tregua i gatshëm t’i krijonte dhe reporterëve mundësinë të shijonin pak nga ajo që do të shtrohet në tryezën e shtëpisë më të famshme në botë.

“Erdha shpejt sot në mënyrë që të më dalë koha për të gjitha, se kemi shumë punë për të bërë!!!”, tha Mario Batali.

Menuja përfshin pjata me perimet e vjeshtës, si dhe gatime italiane që tashmë janë bërë pjesë e pandashme e kulturës amerikane të ushqimit. Të ftuarve do t’iu shërbehen veç të tjerash antipasta me fiq Kalifornie të pjekur me “speck”, kanoli me gaforre dhe mish qengji me salce rozmarine të freskët, të marrë nga kopshti i Shtëpisë së Bardhë.Kur të mbërrihet tek ëmbëlsira, aty zgjedhjet do të jenë të shumëllojshme duke nisur nga pudingu i shijshëm me molle jeshile e deri tek tarta e kungullit me boronice të kuqe.

Mes të ftuarve është edhe stilisti i famshëm Giorgio Armani; shefja italiane e qendrës kërkimore europiane CERN, Fabiola Gianotti dhe Giusy Nicolini, kryebashkiaku i Lampeduzës, vendi i parë ku zbarkojnë prej kohesh me mijëra emigrantë që tentojnë hyrjen në vendet e BE-së.

Hera e fundit që Shtetet e Bashkuara kanë organizuar një darkë të tillë shtetërore për Italinë ka qenë në vitin 1998./Tch
screenshot_111476793412

screenshot_121476793439

screenshot_131476793439

screenshot_141476793437

screenshot_151476793436

screenshot_161476793434

screenshot_171476793433

screenshot_181476793431

screenshot_191476793429

screenshot_201476793428

screenshot_221476793424

screenshot_231476793423

screenshot_241476793422

screenshot_251476793420

screenshot_261476793418

screenshot_271476793417

screenshot_281476793416

screenshot_291476793414