FOTO/ Motrat nga Skrapari shfrytëzonin për prostitucion nëna me fëmijë

Dy motrat nga Skrapari, Ina dhe Armonela Qama, që së bashku me Ledian Gjonin dhe Ardit Shmilin, raportohet se kanë shfrytëzuar si prostituta dy vajza të reja, të cilat kishin pak vite që ishin bërë dhe nëna.

Të dyshuarit kanë shfrytëzuar kushtet e vështira ekonomike të dy vajzave, të martuara dhe më fëmijë, dhe i kanë shfrytëzuar si prostituta në lokale tallavaje në Fier dhe Tiranë, shkruan shqiptarja.com, duke iu referuar burimeve të prokurorisë.

Ato janë përdorur si prostituta për një periudhë kohe, ndërkohë që këtë periudhë po planifikohej nga katër personat e arrestuar që ti trafikonin jashtë shtetit, dhe më konkretisht në Kosovë me qëllim sigurimin e përfitimeve më të mëdha.

Mirëpo ky plan ka dështuar pas ndërhyrjes së efektivëve të policisë së Tiranës.

Ndaj katër të arrestuarve është ngritur akuza e “Shfrytëzimit të prostitucionit”. Dy ditë më parë, gjykata e Tiranës dha masën e sigurisë “arrest në burg” ndaj katër personave të arrestuar, ndërkohë ata kanë deklaruar se po udhëtonin drejt Kosovës për një vizitë turistike.