FOTO/ Nostalgjikët përkujtojnë 108-vjetorin e lindjes së diktatorit Enver Hoxha

GJIROKASTER- Ata nuk i ka ndalur as moti i paqëndrueshëm e as frika nga ndonjë lëkundje tjetër tërmeti. Një grup nostalgjikësh kanë përkujtuar dje 108 vjetorin e lindjes së idhullit të tyre në Gjirokastër, Enver Hoxha. Një grup kryesisht të moshuarish, me pankarta dhe fotografi në duar kanë nisur homazhet në oborrin e jashtëm të shtëpisë së lindjes së ish-diktatorit Hoxha në lagjen “Palorto”.

Kreu i Partisë Komuniste të Gjirokastrës Bujar Sulejmani, ka kërkuar nga pushteti vendor dhe Ministria e Kulturës, rivlerësimin e figurës së Hoxhës dhe njëkohësisht rivendosjen e monumentit të tij në vendin ku u instalua në vitin 1988 dhe që u shemb në korrik të 1991. Dy herë në vit mblidhen nostalgjikët enveristë pranë banesës së lindjes së ish-diktatorit, në 11 prill ditë kur ndërroi jetë dhe në 16 tetor dita e lindjes së Enver Hoxhës.

Përkrahësit e Hoxhës kanë kërkuar disa herë nga Këshilli Bashkiak i Gjirokastrës, vendosjen e emrit të Enver Hoxhës, rrugës që kalon mes përmes lagjes “Palorto”. Por kjo kërkesë është refuzuar, ndërsa rruga është quajtur Ismail Kadare.

00228-00_01_35_12-still033-600x365 00228-00_01_53_28-still034-600x365 00228-00_02_19_10-still037-696x398