FOTO/ Vlorë, pranga ndërtuesit në “Ujin e Ftohtë”. Policia i mësyn në pallat: E kapëm me 41 kg kanabis. (Emri)

VLORE – Policia ka nisur mëngjesin e sotëm ofensivën ndaj trafikantëve të drogës në disa zona të vendit. Rreth 300 forca të policisë dhe FNSH-së kanë zbarkuar prej orës 04:00 në Shkodër, Vlorë dhe Gjirokastër, për shkatërruar çdo hallkë të zinxhirit që merret me trafikimin e kanabisit.

Në kuadër të këtij operacioni, Policia e Vlorës ka vënë në pranga edhe një ndërtues, të cilit iu gjetën në katin e parë të pallatit në pronësi të tij rreth 41 kg marijuanë.

Burime zyrtare nga policia bëjnë të ditur se në kuadër të operacionit të koduar “Smile”, është arrestuar 47-vjeçari Fredinant Mile, lindur në Fier, banues në Vlorë, pronar i një pallati.

Policia e Vlorës, në bazë të informacioneve të marra në rrugë operative, ka bërë të mundur kapjen në flagrancë të autorit, në katin e parë të pallatit, në lagjen “Ujë i ftohtë” Vlorë. Gjatë kontrollit të ushtruar është gjetur një sasi me lëndë narkotike, e cila ishte e futur nëpër thasë sintetikë me peshë totale prej 41 kg (kilogram), e llojit Marijuanë.