FOTO/ Vrasja e vëllezërve Tola në Holandë, lirohet nga akuza i dyshuari

Shqiptari Herald R., i cili është arrestuar në Holandë si i dyshuar për vrasje e dy vëllezërve nga Elbasani Florenc dhe Glevis Tola, është liruar nga kjo akuzë.

Gjykata holandeze rrëzoi akuzën e ngritur ndaj tij për vrasjen e dyfishtë për mungesë provash, raporton ABC News.

Dy vëllezërit nga Elbasani u vranë në Roterdam të Holandës në Janar të 2015 gjatë një shkëmbimi me armë zjarri, ku mbeti i plagosur edhe Serxhio Piku.

Shqiptari Herald R. ishte përfshirë në përleshjen me armë pasi kishte udhëtuar nga Amsterdami për në Roterdam për të blerë drogë nga vëllezërit Tola.

Por pavarësisht se ndaj 27­vjeçarit nuk janë gjetur prova të besueshme që të akuzohet për vrasje, ai nuk i ka shpëtuar burgut. Herald R. është dënuar me 5 vite burg për armëmbajtje pa leje dhe trafik droge.