FOTO/Gigi Buffon fiton “Golden Foot”: Çmimi falë duarve të mia

MONAKO – Portieri i Juventusit dhe i kombëtares italiane, Gianluigi Buffon ka fituar edicionin e vitit 2016 të trofeut “Golden Foot”, i cili u jepet futbollistëve mbi 28 vjeç, të cilët janë dalluar individualisht apo falë sukseseve të arritura me skuadrat.

Çmimi iu dha gjigantit të futbollit italian nga princi i Monakos, Alberto, në një ceremoni që u zhvillua në Montecarlo.

Kur bëhet fjalë për trofe individuale, për portierët kjo është thuajse një “tabu”, por në rastin konkret, Buffon ka kaluar emra shumë të njohur si Cristiano Ronaldo, Kavani, Lampard, Kasijas, Mesi, Kaka, David Silva, Runi dhe Pirlo.

Buffon është i katërti italian që fiton këtë çmim, pas Roberto Baggio(2003), Alex Del Piero (2007) e Francesco Totti (2010). ‘Golden Foot” lindi në vitin 2003 dhe mund të fitohet vetëm njëherë në jetë.

Ky trofe të jep të drejtën të lësh shenjat e këmbës në “Champions Promenade”, e cila është e ngjashme me Walk of Fame, në Hollywood, në vijën bregdetare të Principatës së Monakos.193141128-e242a192-7784-4e87-a257-d980beed9e70 193148713-045a17c7-1c41-4768-b3c9-0f10a8eb27b9