FOTOLAJM/ Tre socialistë në Konventën e PAA dëgjojnë fjalën e Bashës, Legisi: Ftesa miqësore

Ish-themeluesit e Partisë Socialiste, Maqo Lakrori, Ndre Legisi e Et’hem Ruka ishin të ftuarit e Agron Dukës, në konventën e Partisë Agrare Ambientaliste. Njëri prej tyre, Ndre Legisi tergon për BalkanWeb edhe arsyet e pjesëmarrjes në këtë konventë.

E si për të treguar që përkatësia e tyre është tjetër, mjafton të shohim këtë foto të shkrepur gjatë kohës kur fjalën e kishte marrë kreu i PD-së, Lulzim Basha, ku duket se të tre socialistët duken se shprehin qartë me fytyrat e tyre, mosdakordësinë me ato çfarë kryetari i PD-së thotë.

“Kemi qenë shokë universiteti me zotin Duka, kemi ndarë shumë vite miqësie bashkë e po ashtu të dy i përkasim të njëjtës fushë. Për çdo politikan një ftesë e tillë do të ishte e mirëpritur, aq më tepër që për mua, të dëgjoje vizionin e PAA-së, në këtë konventë për bujqësinë e mjedisin ishte mjaft interesante”, u shpreh Legisi.

Nuk është se ka munguar ftesa në fakt për përfshirje në PAA, por duket se politikanët e hershëm, themelues të PS-së kanë vendosur t’i qëndrojnë besnik përkatësisë së tyre.