Fshatari i moshuar i tregon për hallet që kanë, Rama i përgjigjet: Mos e ke dredhur një me hashash?!

Kryeministri Edi Rama po vazhdon turin e tij të gjatë me “fermerët”, anembanë vendit.

Por edhe pse tema me këta fshatarë që i quan pa ju skuqur faqja “fermerë” është bujqësia dhe prapambetja mesjetare në fshat, duket se kryeministrit i shkon shpesh gjuha, aty ku i dhemb dhëmbi.

Edhe sot duke folur me “fermerët” e fshatit Suka në Këlcyrë, nuk harroi të lëshonte batua për hashashin.

Menjëherë pasi një fshatar në moshë mbaroi fjalën e tij, duke renditur një sërë problemesh, kryeministri në vend që ti jepte përgjigje iu përgjigj me një pyetje për kanabisin.

Rama: Si jeni me hashashin këtej nga zona juaj?

Fshatari: A këtu më ke zënë ngushtë, se unë jam i vjetër nuk lëviz shumë, por pyet këto djemtë e rinj.

Rama: Jo po të pyes se më dukesh në formë prandaj, thashë mos e ke dredhur një edhe ti.