Furgoni përplaset me makinë, dy persona në gjendje kritike

Nga përplasja e një furgoni pasagjeresh me një autoveturë në aksin rrugor Bulqizë-Peshkopi, kanë mbetur të plagosur 4 persona, ku dy prej tyre ndodhen ne gjendje kritike per jeten dhe jane transportuar per ne Tirane me helikopter.

Rreth orës 16:30 njoftohemi se tek “Tre çezmat”, në aksin rrugor Shupenzë –Bulqizë, një furgon me targa AA925FO me drejtues M.H., që transportonte pasagjerë nga Tirana për në Peshkopi është përplasur me automjetin “Peugeot” me targa AA714MU, me drejtues E.T., që lëvizte nga Peshkopia për në Tiranë.

Si pasojë janë dëmtuar në gjendje të rëndë dhe janë transportuar me helikopter drejt Tiranës shtetasit: F. H., rreth 40 vjeç dhe N.I., rreth 65 vjeç. Si dhe janë plagosur jashtë rrezikut për jetën shtetasja G.T., 18 vjeçe nga Dibra e cila u transportua për në spitalin e Peshkopisë si dhe L..L , 59 vjeçe nga Tirana që u transportua me ambulancë për në Tiranë.

Policia po kryen veprimet në vendngjarje për të zbardhur rrethanat dhe shkakun e aksidentit. Drejtuesit e mjeteve janë shoqëruar në Komisariat për veprime të mëtejshme.