Fushatë kundër azilkërkuesve të pashpresë, Holanda nuk i do shqiptarët

Holanda do të nisë një fushatë kundër azilkërkuesve shqiptarë. Haga kërkon tu tregojë azilkërkuesve se nuk kanë të ardhme.
Gjatë vitit të kaluar numri i shqiptarëve që shkonin në Holandë për të kërkuar azil ishte më i madh, por sërish edhe këtë vit janë qindra aplikime.

Shumë prej tyre u kthyen në Shqipëri brenda disa javësh pasi iu hoq asistenca financiare, shkruan gazeta Telegraaf.nl. Sipas kësaj “Telegraaf.nl” fushata ka për qëllim të ndalojë ata të bëjnë udhëtimin drejt Holandës.

Klaas Dijkhoff, sekretari i shtetit për çështjet e azilit i cituar nga mediat hollandeze thotë se qeveria holandeze duhet të dekurajojë fluksin e shqiptarëve drejt Holandës. Çdo shqiptar që largohet nga Holanda për t’u riatdhetësuar në Shqipëri përfitonte një fond prej 200 eurosh, dhe qeveria holandeze do të heqë asistencën.