Fushë Krujë, shtatzana e lind fëmijën të vdekur, nis hetimi

Dy ditë pasi një grua shtatzanë e ka lindur të vdekur beben e saj me operacion, Policia e Durrësit ka njoftuar për ngjarjen dhe nisjen e hetimit për shkaqet.  Ngjarja ka ndodhur pasditen e datës 12 tetor, rreth orës 18:00, kur 21-vjeçarja S.Z. që priste të bëhej nënë, ishte paraqitur në spital.

Në njoftimin e Policisë thuhet:

“Më datë 13.10.2016, rreth orës 17:30, jemi njoftuar nga Salla Operative Tiranë, se më datë 12.10.2016, rreth orës 18:00, ka shkuar në spital, për lindje shtetësia S.Z. 21 vjeçe, banuese Fushë-Krujë, ku pas ndërhyrjes është bërë e mundur nxjerrja e fëmijës në gjendje të vdekur.

Shtetësia e mësipërme ndodhet nën kujdesin e mjekëve.

Vijon puna për sqarimin e rrethanave të ngjarjes.”