Gjekmarkaj: Rama e përdor politikisht reformën në mungesë të rezultatave. Ja roli i ambasadorit Lu

“Ka pasur një përdorim politik të Reformës në Drejtësi nga kryeministri Rama, në mungesë të rezultateve”, thotë analisti Agron Gjekmarkaj.

Ai argumenton se tërheqja nga votimi i projekt ligjit “Për organet e qeverisjes të sistemit të drejtësisë“ , apo siç cilësohet ndryshi ai për “qeverisjen” e drejtësisë, Rama po e përdor si kartë politike për ta nxjerrë PD-në si partinë që nuk e do reformën.

Gjithashtu ai thotë se Ambasadori amerikan po kërkon të marrë sërish rol për një mundësi të re për kompromis, sikurse është investuar edhe kryeparlamentari Meta.

“Në Shqipëri nuk ka parti antireformë dhe antiamerikane, ndaj dhe nuk më duket se një parti politike, pasi ka miratuar Kushtetutën, t’i drejtohet Gjykatës Kushtetuese për interpretim apo mendim. Ne luajmë me kohën, sikur vettingu edhe po nuk hyri në janar por në mars, nuk bën ndonjë ndryshim, pavarësisht se jemi në vit zgjedhor dhe jo normal. Reforma në Drejtësi do t’i kalojë zgjedhjet e qershorit, kur do të hyjë në fuqi, do të gjejë vetveten dhe rezultatet nuk pritet t’i japë në janar. Lajmi pozitiv i sotëm është që ka një tërheqje nga ana e mazhorancës, por elementit kohë besoj se i duhet shtuar vullneti politik. Pasi nëse mungon vullneti, duket se shumica po kërkon të rrënojë edhe më shumë qëndrimin e opozitës. Ambasadori amerikan po kërkon të marrë sërish rol për një mundësi të re për kompromis, sikurse është investuar edhe kryeparlamentari Meta. Kam menduar gjithmonë që ka pasur një përdorim politik të Reformës në Drejtësi nga kryeministri Rama, në mungesë të rezultateve, ndaj dhe këtë po e përdor si kartë politike për ta nxjerrë PD-në si partinë që nuk e do reformën”.