Gjykata jep 153 vjet burg për “Bandën e Babagjyshave”

Gjykata e Krimeve të Rënda ka dënuar me 153 vjet burg në total gjashtë anëtarët e të ashtuquajturës, “Banda e Babagjyshave”.

KupaSeanca e fundit u zhvillua ditën e sotme, për bandën që vodhën argjendarinë në qendrën tregtare në fund të vitit 2013, të maskuar si babagjyshë të Krishtlindjeve.

Kështu, sipas vendimit, Agustin Sula dënohet me 35 vjet burg, por për shkak se ka bashkëpunuar me drejtësinë, i ulet në 6 vjet.

Edhe kreu i kësaj bande, Ilir Kupa, i arratisur nga burgu i Trikallës në Greqi, dënohet me 35 vjet burg, dhe i ulet dënimi në 23 vjet e katër muaj, për shkak të procesit të shkurtuar.

DENIMET

Agustin Sula 35 vjet; i ulet në 6 vjet

Ilir Kupa 35 vjet; i ulet në 23 vjet 4 muaj

Enea Qeruishi 24 vjet; i ulet në 16 vjet

Hajdar Sefa 22 vjet; i ulet në 14 vjet 8 muaj

Mark Shpendi 24 vjet; i ulet në 16 vjet

Edmond Selala 13 vjet; i ulet në 8 vjet e 8 muaj

HETIMET

Sipas prokurorisë, grabitjet e tyre kanë pasur elementë të përbashkët në mënyrën e kryerjes së tyre, si përdorimi i mjeteve të vjedhura, falsifikimi i targave dhe djegia e mjetit pas grabitjes.
Pjesë kryesore ishte maskimi i tyre, herë si punonjës policie, herë si gra me perçe dhe në një rast si babagjyshë të vitit të ri.
Grupi i organizar kriminal, mes të cilëve edhe Ilir Kupa, nuk ka një ndarje të qartë rolesh dhe detyrash por gjatë veprimtarisë së tyre kriminale secili ka një rol të përcaktuar dhe që vepron në këtë mënyrë në çdo vjedhje.
Sipas prokurorisë, i pandehuri Agustin Sula është njohur me shtetasit Ilir Kupa dhe Fatmir Pjetri në Greqi.
Në vitin 2013 janë takuar me Kupën dhe Pjetrin, si dhe me të pandehurit e tjerë të dosjes.